Velocidá

Velocidá v, aceleración a y distancia recorrida S.

En física, velocidá ye la magnitú qu'espresa'l cambéu d'allugamientu d'un oxetu en función de la distancia recorría na unidá de tiempu. Suel representase pola lletra $\overrightarrow{v}$. La velocidá pue desemeyase según el lapsu consideráu, poro, fai referencia a la velocidá instantáneo, la velocidá permediu, etc. Nel Sistema Internacional d'Unidaes la so unidá ye'l metru por segundu:

$m{s}^{-1}$ o $\frac{m}{s}$

Pa definir la velocidá d'un oxetu hai d'atolenar non namái la distancia que recuerre por unidá de tiempu, sinón tamién la direición y el sen del desplazamientu, colo que la velocidá esprésase como una magnitú veutorial.

Velocidá media

La velocidá media o velocidá permediu informa sobro la velocidá nun intervalu dau. Calcúlase dixebrando el desplazamientu (Δx) (Δ=delta) pel tiempu trescurríu (Δt):

$\overrightarrow{v}=\frac{\mathrm{\Delta }\overrightarrow{x}}{\mathrm{\Delta }t}=\frac{{\overrightarrow{x}}_f-{\overrightarrow{x}}_i}{t_f-t_i}$

Por exemplu, si un oxetu tien recorrío una distancia de 1 metru nun lapsu de 31,63 segundos, el módulu de la so velocidá media ye:

$\overrightarrow{v}=\frac{\mathrm{\Delta }\overrightarrow{x}}{\mathrm{\Delta }t}=\frac{{\overrightarrow{x}}_f-{\overrightarrow{x}}_i}{t_f-t_i}=\frac{1(m)-0(m)}{31,63(s)-0(s)}=\frac{1(m)}{31,63(s)}=0.0316(m/s)$

Al módulu de la velocidá denómase-y rapidez.

Velocidá instantáneo

Permite conocer la velocidá d'un móvil que se desplaza sobro una trayeutoria, cuando'l lapsu de tiempu ye infinitamente pequeñu, siendo entós l'espaciu recorríu tamién enforma pequeñu, representando un puntu de la trayeutoria.

$\overrightarrow{v}=\underset{\mathrm{\Delta }t\to 0}{\lim }\frac{\mathrm{\Delta }s}{\mathrm{\Delta }t}=\frac{ds}{dt}$

En mena vectorial, la velocidá ye la derivada del vector posición respeutu del tiempu:

$\overrightarrow{v}=\frac{ds}{dt}{\overrightarrow{u}}_t=\frac{d\overrightarrow{r}}{dt}$

au ${\overrightarrow{u}}_t$ ye un versor (vector de módulu unidá) de direición tanxente a la trayeutoria de cuerpu en cuestión y $\overrightarrow{r}$ ye'l vector posición, darréu que nel llímite, los diferenciales d'espaciu recorríu y posición coinciden.

Unidaes de velocidá

Sistema Internacional d'Unidaes (SI)

• Metru por segundu (m/s), unidá de velocidá del SI
• Quilómetru por hora (km/h) (usu coloquial)
• Quilómetru por segundu (km/s) (usu coloquial)

Sistema inglés

• Pie por segundu (ft/s), unidá de velocidá del sistema inglés
• Milla por hora (mph) (usu coloquial)
• Milla por segundu (mps) (usu coloquial)

Náutica

• Nuedu

Aeronáutica

• Númberu Mach

Sistema natural

• Velocidá de la lluz 300.000 km/s
• Warp

Sistema ceguesimal

• centímetru per segundu (cm/s) unidá de velocidá del sistema ceguesimal

Ver tamién

• Aceleración
• Velocidá angular
• Cinemática, velocidá relativa