Radiu de Bohr

Nel modelu atómicu de Bohr de la estructura del átomu, desenvueltu por Niels Bohr en 1913, los electrones xiren alredor d'un nucleu central. Nesti modelu los electrones orbiten namái a determinaes distancies del nucleu, dependiendo de la so enerxía. Nel átomu más simple, l'hidróxenu, solamente orbita un electrón, siendo la órbita de menor radiu o radiu de Bohr, la correspondiente a la situación de menor enerxía.

Acordies colos datos de 2006 CODATA, el radiu de Bohr del hidróxenu val 5,291 772 0859(36)×10⁻¹¹ m (esto ye, approximadamente 52,9 pm o 0,529 angstroms). Esti valor pue llograse de la rellación ente otres constantes físiques (que se llogra cuando n = 1 na cuarta hipótesis de los postulaos de Bohr) y representa la unidá atómica de llargor:

$a_0=\frac{4\pi {\epsilon }_0{\hslash }^2}{m_e{e}^2}=\frac{\hslash }{m_{e}c\alpha }$

onde:

${\epsilon }_0$ ye la permitividá del vacíu

$\hslash$ ye la constante de Planck reducida

$m_e$ ye la masa del electrón en reposu

$e$ ye la carga elemental

$c$ ye la velocidá de la lluz nel vacíu

$\alpha$ ye la constante d'estructura fina

Ver tamién

• Modelu atómicu de Bohr
• Unidaes atómiques
• Llista de constantes físiques