Oganesón

L'oganesón ye'l nome del elementu químicu sintéticu col númberu atómicu 118 y símbolu Og, allugáu nel grupu 18 de la tabla periódica. Seique comparta les propiedaes de los gases nobles, paeciéndose al radón nes sos propiedaes químiques; d'esta miente, dalgún artículu refirióse a elli como eka-radón. Sería'l segundu gas radioactivu y el primer gas semiconductor estándar.

Pasando per alto la inestabilidá proviniente de la so radioactividá, los científicos esperen d'elli que:

• Podría ser muncho más reactivu que'l xenón y el radón. Seique forme óxidos estables (UuoO₃), aparte de cloruros y fluoruros.
• Si fuese razonablemente común na natura y reaccionara formando un óxidu, posiblemente se presentaría como un óxidu mineral y non como un gas llibre.

Historia

En 1999 investigadores del Llaboratoriu Nacional Lawrence Berkeley anunciaron, nun artículu de la Physical Review Letters la descubrición de los elementos 116 y 118. L'añu siguiente echáronse p'atrás col artículu pol mor de la imposibilidá d'otros investigadores de reproducir los resultaos. En xunu de 2002 el direutor del llaboratoriu anunció que l'anuncia anicial de la descubrición basárase en datos amañaos pol investigador principal Victor Ninov. Los investigadores afirmaron tener obtenío l'ununoctiu a partir de la reacción:

$\genfrac{}{}{0ex}{}{249}{98}\mathrm{C}\mathrm{f}+\genfrac{}{}{0ex}{}{48}{20}\mathrm{C}\mathrm{a}\to \genfrac{}{}{0ex}{}{294}{118}\mathrm{U}\mathrm{u}\mathrm{o}+3\genfrac{}{}{0ex}{}{1}{0}\mathrm{n}$

Ununoctiu ye un nome sistemáticu temporal de la IUPAC.

Enllaces esternos

• Plantía:En WebElements.com