Ver la fonte de Intrusión salina

La '''intrusión salina''' ye’l procesu pol cual l'[[agua salao]] flui p'hacia los [[acuíferu|acuíferos]] d'[[agua dulce]]. Esti fechu provoca la [[salinización]] de los acuíferos d'agua dulce, amás d'otres consecuencies ecolóxiques.

Actividaes humanes tales como’l bombéu d'agua soterraño dende pozos costeros d'agua dulce, la construcción de canales o la elevación del nivel del mar pol [[calentamientu global]] inducen a la intrusión d'agua salao.

==Comportamientu hidrolóxicu==

La mayor presencia de [[Soluto|solutos]] nel agua del mar fai que presente una mayor [[densidá]] y [[presión]] que la de l'agua dulce. Esta estremancia de densidaes ye la responsable de la intrusión salina.

Nos acuíferos costeros comunicaos col agua del mar, ésta introduzse per baxo de l'agua dulce no que se vien a llamar [[cuña salina]]. Polo xeneral, la estensión p'hacia l'interior de la cuña d'agua salao ta llendada polos niveles d'agua dulce soterraño o l'altura de la columna d'agua dulce. El procesu algama un equilibriu cuando la columna d'agua dulce se fai mayor, la presión aumenta y consigue igualar a la intrusión d'agua de mar.

Cuando se fraya esti equilibriu, por reducción drástica del [[capa freática|nivel freáticu]] d'agua dulce o por elevación del nivel mediu del mar, l'agua salao acaba elevándose y penetrando más nel acuíferu. Cuando esto asocede, l'agua salao inunda l'acuíferu salinizándolu. Resulta mui difícil de recuperar.

==Rellación Ghyben-Herzberg==

Les primeres formulaciones físiques de la intrusión salina foron feches pol W. [[Badon-Ghijben]] (1888, 1889) y A. [[Herzberg]] (1901), llamaes asina la rellación '''Ghyben-Herzberg'''. La espresión matemática encóntiase nel equilibriu de les presiones exercida pol agua dulce y salao. Na ecuación:

<math>z = \frac{\rho_f} {(\rho_s-\rho_f)} h</math>

l'espesor de la zona saturada d'agua dulce, perriba’l nivel del mar, represéntase con ''h'' mientres que con ''z'' represéntase l'espesor de l'agua dulce per baxo’l nivel del mar. Dambos espesores tán venceyaos coles densidaes:

''ρ<sub>f</sub>'' ye la densidá d'agua dulce.

''ρ<sub>s</sub>'' ye la densidá d'agua salao.

L’agua dulce tien una densidá aproximao de 1.000 g/cm3 a 20ºC, mientres que la de l'agua salao ye aproximao de 1,025 g/cm3. Poro, la ecuación pue simplificase a

''z'' = 40''h''.

[[Categoría:Hidroloxía]]
[[Categoría:Wikipedia:Artículos ensin plantía llistaref]]