Ver la fonte de Fuercia lletromotriz

La '''fuercia lletromotriz''' ye toa causa que ye quien a caltener una [[diferencia de potencial]] ente dos puntos d'un circuitu abiertu o de producir una corriente llétrica nun circuitu zarráu. Ye una carauterística de cada [[xenerador llétricu]]. Con calter xeneral pue desplicase pola esistencia d'un campu lletromotor ε que la so circulación,∫ε ds, define la fuercia lletromotriz del xenerador.

Defínese como'l [[trabayu (física)|trabayu]] que fai'l xenerador pa pasar pel so interior la unidá de [[carga llétrica|carga]] positiva del polu negativu al positivu, dixebráu pol valor en Coulombs de tala carga. 
Esto xustifícase nel fechu de que cuando circula esta unidá de carga pel circuitu esterior al xenerador, dende'l polu positivu al negativu, ye necesario facer un [[trabayu (física)|trabayu]] o consumu d'enerxía ([[mecánica]], [[química]], etcétera) pa tresportala pel interior dende un puntu de menor potencial (el polo negativu al qu'aporta) a otru de mayor potencial (el polu positivu pel que sal).

La f.ll.m. mídese en [[voltiu|voltios]], lo mesmo que'l [[potencial llétricu]].

Polo que queda que:

<math>E = \frac {T}{q} \,\!</math>

Rellaciónase cola diferencia de potencial <math>V \,\!</math> ente los bornes y la resistencia interna <math>r \,\!</math> del xenerador per aciu de la fórmula <math>E = V + I r \,\!</math> (el productu <math>Ir \,\!</math> ye la cayía de potencial que se produz nel interior del xenerador pola mor de la resistencia óhmica que ufre al pasu de la corriente). La f.ll.m. d'un xenerador coincide cola diferencia de potencial en circuitu abiertu.

La fuercia lletromotriz d'inducción (o inducía) nun circuitu zarráu ye igual al cimbre de fluxu d'inducción Φ del campu magnéticu que lu treviesa na unidá de tiempu, lo que s'espresa pola fórmula <math> d\Epsilon = - \frac {d \Phi}{dt} \,\!</math> ([[Llei de Faraday]]). El signu - indica que'l sen de la f.ll.m. inducía ye tal que s'opón a tal cimbre ([[Llei de Lenz]]). 

== Ver tamién ==
* [[Fuercia escontra-lletromotriz]]
* [[Diferencia de potencial]]
* [[Voltiu]]

[[Categoría:Electromagnetismu]]
[[Categoría:Wikipedia:Artículos ensin plantía llistaref]]